Ghazal….. Ibrahim Ashk
Zindgi kucha o bazaar ka saaman nahin.
Wo hi bikta hai ke khud ki jise pahchan nahin.
Aisa badla hai sharafat ka naya paimaana,
Chor saare hain maseeha koee beimaan nahin.
Har qadam par hai naee jung diwanon ke liye,
Ishq ki raah pe chalna koee aasan nahin.
Qahr tootega wahan par to khuda ka ik din,
Zulm kar ke bhi jahan log pasheman nahin,
Koee aisa to mile hum ko zamane bhar main,
Zindgi ke jo masail se pareshan nahin.
Chalte phirte huwe kuchh log nazar aate hain,
Kaise zinda hain ke ab jinmain koee jaan nahin,
Kya wo Aankhen hain jo deedar se mehroom rahen,
Wo bhi kya dil hai jise ishq ka Arman nahin.
Aise jaahil se karen kaise wafa ki ummeed ?
Sahib e aql nahin, sahib e imaan nahin.
Dil se nikli huee baaten hain jo dil chooti hain,
Ashk ghazlen meri sarkar ka Farman nahin.
غزل۔۔۔۔۔ ابراہیم اشک
زندگی کوچہ و بازار کا سامان نہیں
وہ ہی بکتا ہے کہ خود کی جسے پہچان نہیں
ایسا بدلا ہے شرافت کا نیا پیمانہ
چور سارے ہیں مسیحا کوٸی بے ایمان نہیں
ہر قدم پر ہے نٸی جنگ دوانوں کے لٸے
عشق کی راہ پہ چلنا کوٸی آسان نہیں
قہر ٹوٹے گا وہاں پر تو خدا کا اک دن
ظلم کر کے بھی جہاں لوگ پشیمان نہیں
کوٸی ایسا تو ملے ہم کو زمانے بھر میں
زندگی کے جو مساٸل سے پریشان نہیں
چلتے پھرتے ہوٸے کچھ لوگ نظر آتے ہیں
کیسے زندہ ہیں کہ اب جن میں کوٸی جان نہیں
کیا وہ آنکھیں ہیں جو دیدار سے محروم رہیں
وہ بھی کیا دل ہے جسے عشق کا ارمان نہیں
ایسے جاہل سے کریں کیسے وفا کی امید؟
صاحبِ عقل نہیں صاحبِ ایمان نہیں
دل سے نکلی ہوٸی باتیں ہیں جو دل چھوتی ہیں
اشک غزلیں مری سرکار کا فرمان نہیں