Humd Shareef
Ibrahim Ashk
Tera hi zikr e Aam hai, zamee.n zamee.n, falak falak.
Har ik zaba.n pe naam hai, zamee.n zamee.n, falak falak.
Tere hi dam se waqt hai, nizam e taaj o takht hai,
Teri hi subh shaam hai, zamee.n zamee.n, falak falak.
Ye shams aur ye qamar, sitare Noor ka safar,
Safar bhi ye mudam hai, zamee.n zamee.n falak falak.
Ye kaaynat jaa ba jaa, nahin hai jiski inteha,
Ajeeb Ahtemam hai, zamee.n zamee.n falak falak.
Tamam khalq e dojahan pe hai khuda ki bas Ama.n,
Har ik ka intezam hai, zamee.n zamee.n falak falak.
Ye ilm o fun ki barishen, inayaten, nawa zishen,
Usi ka sab kalaam hai, zameen zameen falak falak.
Ye rang o Noor mehfilen, ye zindgi ki manzilen,
Khuda ka sab nizam hai, zameen zameen, falak falak.
Chaman chaman ye gulrukhan, ye phool phal ye khetiyan,
Ye husn natamam hai, zameen zameen falak falak.
Tere karam ki bheek bhi, hukumaton se kam nahin,
Har ik Tera ghulam hai, zameen zameen falak falak.
Kahen to Ashk, kya kahen Azeemtar hai bas wahi,
Usi ka sab nizam hai, zameen zameen falak falak.
حمد شریف
ابراہیم اشک
ترا ہی ذکرِ عام ہے ، زمیں زمیں فلک فلک
ہر اک زباں پہ نام ہے زمیں زمیں فلک فلک
ترے ہی دم سے وقت ہے نظامِ تاج و تخت ہے
تری ہی صبح شام ہے زمیں زمیں فلک فلک
یہ شمس اور یہ قمر، ستارے نور کا سفر
سفر بھی یہ مدام ہے،زمیں زمیں فلک فلک
یہ کاٸنات جا بجا،نہیں ہے جس کی انتہا
عجیب اہتمام ہے زمیں زمیں فلک فلک
تمام خلقِ دوجہاں پہ ہے خدا کی بس اماں
ہر اک کا انتظام ہے، زمیں زمیں فلک فلک
یہ علم و فن کی بارشیں، عنایتیں، نوازشیں
اسی کا سب کلام ہے زمیں زمیں فلک فلک
یہ رنگ و نور محفلیں، یہ زندگی کی منزلیں
خدا کا سب نظام ہے، زمیں زمیں فلک فلک
چمن چمن یہ گل رخاں، یہ پھول پھل یہ کھیتیاں
یہ حسن ناتمام ہے، زمیں زمیں فلک فلک
ترے کرم کی بھیک بھی، حکومتوں سے کم نہیں
ہر اک ترا غلام ہے، زمیں زمیں فلک فلک
کہیں تو اشک کیا کہیں، عظیم تر ہے بس وہی
اسی کا سب نظام ہے زمیں زمیں فلک فلک