Nazm….. Ibrahim Ashk.
Is baar tum jo Aaee ho
To jaana mat,
Mausamon ki tarah,
Sab kuchh peechhe
Chhoot jaata hai,
Sheeshe ki tarah
Dil toot jaata hai .
Thahar jaana
Ghane tanawar
Chayadar darakht ki tarah
Jiske saaye main
Koee thaka huwa musafir
Do ghadi Aaram ki
Neend so sake.
Ruk jaana
Meethe paani ke
Thande kuwen ki tarah
Koee pyasa jisse
Apni pyas bujha sake.
Tham jaana
Us buland parbat ki tarah
Jiske mazboot iradon ki
Sab qasmen khate hon.
Phir agar jaana hi hai
To hum donon pyar se
Aik doosre ka haath thame
Saath saath jayenge
Ishq ki har manzil se aage
Sadiyon tak
Kabhi na bichhadne ke liye.
نظم ۔۔۔۔۔ ابراہیم اشک
اس بار تم جو آئی ہو
تو جانا مت،موسموں کی طرح
سب کچھ پیچھے چھوٹ جاتا ہے
شیشے کی طرح
دل ٹوٹ جاتا ہے
ٹھہر جانا
گھنے تناور
چھایا دار درخت کی طرح
جس کے سائے میں
کوئی تھکا ہوا مسافر
دو گھڑی آرام کی
نیند سے سو سکے
رک جانا
میٹھے پانی کے
ٹھنڈے کنویں کی طرح
کوئی پیاسا جس سے
اپنی پیاس بجھا سکے
تھم جانا
اُس بلند پربت کی طرح
جس کے مضبوط ارادوں کی
سب قسمیں کھاتے ہوں
پھر اگر جانا ہی ہے
تو ہم دونوں پیار سے
ایک دوسرے کا ہاتھ تھامے
ساتھ ساتھ جائیں گے
عشق کی ہر منزل سے آگے
صدیوں تک
کبھی نہ بچھڑنے کے لئے