Ghazal….. Ibrahim Ashk
Zamane main ghazal ke main naye lahje banata hoon.
Ke apne ishq ke zakhmon se guldaste banata hoon.
Main wo Aab e rawan hoon jo pahadon ki chatanon main,
Kabhi manzil banata hoon ,kabhi raste banata hoon.
Ye sab qudrat ki rangini se mere dil ne seekha hai,
Tasawwur main Dhanak rangon se main chehre banata hoon.
Mujhe maloom hai ke pattharon ki barishen hongi,
Magar main phir bhi is duniya main Aaeene banata hoon.
Jahan walon ne samjha hi nahin meri ibadat ko,
Dilon ko jeet kar main pyar ke sajde banata hoon.
Mere alfaz to khushboo ke jaise dil ko choote hain,
Gulon ki mauj se main dard ke naghme banata hoon.
Karun sadkon pe hanste khelte bachchon se yarana,
Sabab ye hai ke apne ghar main ghubbare banata hoon.
Wafa ke chaak par jazbat ki rakhta hoon jab mitti,
To phir ghazlen, rubaee aur main dohe banata hoon.
Muhabbat Ashk,, mujhko roshni se hai tabhi to main,
Kabhi jugnu banata hoon, kabhi taare banata hoon.
غزل ۔۔۔۔ ابراہیم اشک
زمانے میں غزل کے میں نٸے لہجے بناتا ہوں
کہ اپنے عشق کے زخموں سے گل دستے بناتا ہوں
میں وہ آبِ رواں ہوں جو پہاڑوں کی چٹانوں میں
کبھی منزل بناتا ہوں کبھی رستے بناتا ہوں
یہ سب قدرت کی رنگینی سے میرے دل نے سیکھا ہے
تصور میں دھنک رنگوں سے میں چہرے بناتا ہوں
مجھے معلوم ہے کہ پتھروں کی بارشیں ہوں گی
مگر میں پھر بھی اس دنیا میں آٸینے بناتا ہوں
جہاں والوں نے سمجھا ہی نہیں میری عبادت کو
دلوں کو جیت کر میں پیار کے سجدے بناتا ہوں
مرے الفاظ تو خوشبو کے جیسے دل کو چھوتے ہیں
گلوں کی موج سے میں درد کے نغمے بناتا ہوں
کروں سڑکوں پہ ہنستے کھیلتے بچوں سے یارانہ
سبب یہ ہے کہ اپنے گھر میں غبّارے بناتا ہوں
وفا کے چاک پر جذبات کی رکھتا ہوں جب مٹّی
تو پھر غزلیں رباعی اور میں دوہے بناتا ہوں
محبت اشک مجھ کو روشنی سے ہے تبھی تو میں
کبھی جگنو بناتا ہوں کبھی تارے بناتا ہوں