Ghazal…. Ibrahim Ashk
Koee khayal ki manzil pe aake roshan hai.
Ik Aaftab mere dil pe chhake roshan hai.
Waraq warq meri tehreer jagmagati hai,
Mera junu.n saf e qatil pe jaake roshan hai.
Wo aik kashti jo toofa.n ki zad main aaee thi,
Use salaam ke saahil pe aake roshan hai.
Bujha bujha saa jo rahta tha humsafar mera,
Mujhe wo kucha e qatil pe laake roshan hai.
Nahin tha koee bhi dushman mera zamane main,
Mera Aziz muqabil pe aake roshan hai.
Ameer e shahr ne loota hai kis tarah sab ko,
Bayan ye lab e bismil pe aake roshan hai.
Wo ik Aziz jo bichhda tha mere bachpan main,
Kamal hai, rah e mushkil pe aake roshan hai.
Main uski daad nahin dun to kya karun yaro,
Jo mera yaar masail pe aake roshan hai.
Mere lahu main jo garmi Ana ki rahti hai,
Wo Ashk, meri salasil pe aake roshan hai.
غزل…. ابراہیم اشک
کوئی خیال کی منزل پہ آ کے روشن ہے
اک آفتاب مرے دل پہ چھا کے روشن ہے
ورق ورق مری تحریر جگمگاتی ہے
مرا جنوں صفِ قاتل پہ جا کے روشن ہے
وہ ایک کشتی جو طوفاں کی زد میں آئی تھی
اسے سلام کہ ساحل پہ آ کے روشن ہے
بجھا بجھا سا جو رہتا تھا ہمسفر میرا
مجھے وہ کوچہءِ قاتل پہ لا کے روشن ہے
نہیں تھا کوئی بھی دشمن مرا زمانے میں
مرا عزیز مقابل پہ آ کے روشن ہے
امیرِ شہر نے لوٹا ہے کس طرح سب کو
بیان یہ لبِ بسمل پہ آ کے روشن ہے
وہ اک عزیز جو بچھڑا تھا میرے بچپن میں
کمال ہے رہِ مشکل پہ آ کے روشن ہے
میں اُس کی داد نہیں دوں تو کیا کروں یارو
جو میرا یار مسائل پہ آ کے روشن ہے
مرے لہو میں جو گرمی انا کی رہتی ہے
وہ اشک میری سلاسل پہ آ کے روشن ہے