Ghazal by Ibrahim Ashk
Bazm e imkan e wafa noor bar angez huee.
Mausam e gul main muhabbat ki hawa tez huee.
Jaane kyun aaj ye sarshaar hai dil ki dhadkan,
Saans ki mauj bhi ab jaise jununkhez huee.
Tishnagi apni bujhai na kisi dariya se,
Shan e ghairat se meri zindgi labrez huee.
Sab parindon ko munderon se uda dete hain,
Kat gaya ped to duniya bhi situmrez huee.
Waqt hi apna bura ho to kise den ilzaam,
Apni taqdeer bhi jaise koee changes huee.
Muskura kar jo sar e raah kisi ne dekha,
Wadi e dusht bhi apne liye gulrez huee.
Main bhi suraj ko ishare se bula leta hoon,
Kitne barson main riyazat meri Tabrez huee.
Zulm ne haath main talwar uthai jab se,
Meri tehreer bhi tab se sharar Aamez huee.
Apne hi rang main rang deti hai funkaron ko,
Ashk, ye tarz e ada apni jo rangrez huee.
غزل…. ابراہیم اشک
بزمِ امکانِ وفا نور بر انگیز ہوئی
موسمِ گل میں محبت کی ہوا تیز ہوئی
جانے کیوں آج یہ سرشار ہے دل کی دھڑکن
سانس کی موج بھی اب جیسے جنوں خیز ہوئی
تشنگی اپنی بجھائی نہ کسی دریا سے
شانِ غیرت سے مری زندگی لبریز ہوئی
سب پرندوں کو منڈیروں سے اڑا دیتے ہیں
کٹ گیا پیڑ تو دنیا بھی ستم ریز ہوئی
وقت ہی اپنا برا ہو تو کسے دیں الزام
اپنی تقدیر بھی جیسے کوئی چنگیز ہوئی
مسکرا کر جو سرِ راہ کسی نے دیکھا
وادیءِ دشت بھی اپنے لئے گل ریز ہوئی
میں بھی سورج کو اشارے سے بلا لیتا ہوں
کتنے برسوں میں ریاضت مری تبریز ہوئی
ظلم نے ہاتھ میں تلوار اٹھائی جب سے
میری تحریر بھی تب سے شرر آمیز ہوئی
اپنے ہی رنگ میں رنگ دیتی ہے فنکاروں کو
اشک یہ طرزِ ادا اپنی جو رنگریز ہوئی