Ghazal – Ibrahim Ashk
Dasht o sahra main rahe har waqt sumbul ki tarah.
Umr kaanton main guzaari hum ne ik gul ki tarah.
Jab bhi Urdu ki sada aaee hai bazme naaz main,
Ghul gaya kaanon main ras Aawaz e bulbul ki tarah.
Uske rukhsaron pe ik tehreer hum likhte rahe,
Bekhayali main machalte rukh pe kakul ki tarah.
Soorat e mehboob kya hai Aaina dar Aaina,
Aks bante jaa rahe hain ik tasalsul ki tarah.
Hum safeer e ishq the jo zindgi ki raah main,
Chalte chalte lut Gaye Baghdad, Kabul ki tarah.
Baithe baithe jab shab e Hijrah main aaii uski yaad,
Le gaya humko udaa kar saath duldul ki tarah,
Yun to har lamhe main tha ik iztirab e zindgi,
Hum zamane se mile sabr o tahammul ki tarah.
Umr bhar hum to isi ummeed main tadpa kiye,
Kaash seene se lagaaye koee Babul ki tarah.
Ye parastaar e hawas is raaz ko samjhenge kya,
Ashk, jo ghurbat main jeeta ho tawakkul ki tarah.
غزل ۔۔۔۔ ابراہیم اشک
دشت و صحرا میں رہے ہر وقت سنبل کی طرح
عمر کانٹوں میں گزاری ہم نے اک گل کی طرح
جب بھی اردو کی صدا آٸی ہے بزمِ ناز میں
گھل گیا کانوں میں رس آوازِ بلبل کی طرح
اُس کے رخساروں پہ اک تحریر ہم لکھتے رہے
بے خیالی میں مچلتے رخ پہ کاکل کی طرح
صورتِ محبوب کیا ہے آٸنہ در آٸنہ
عکس بنتے جا رہے ہیں اک تسلسل کی طرح
ہم سفیرِ عشق تھے جو زندگی کی راہ میں
چلتے چلتے لٹ گٸے بغداد ، کابل کی طرح
بیٹھے بیٹھے جب شبِ ہجراں میں آٸی اُس کی یاد
لے گیا ہم کو اڑا کر ساتھ دلدل کی طرح
یوں تو ہر لمحے میں تھا اک اضطرابِ زندگی
ہم زمانے سے ملے صبر و تحمل کی طرح
عمر بھر ہم تو اسی امید میں تڑپا کٸے
کاش سینے سے لگاٸے کوٸی بابل کی طرح
یہ پرستارِ ہوس اس راز کو سمجھیں گے کیا
اشک جو غربت میں جیتا ہو توکّل کی طرح